УНИВЕРСИТЕТ ОҚЫТУШЫЛАРЫ МЕН СТУДЕНТТЕРІ ПАРТИЯ ҚАТАРЫНА ҚАБЫЛДАНДЫ
Тұңғыш Президент күні мерекесіне орай Қорқыт Ата атындағы Қызылорда мемлекеттік университетінің оқытушылары мен студенттері «Нұр Отан» партиясының қатарына салтанатты түрде қабылданды. Университет ректоры, т.ғ.д., профессор Қ.А.Бисенов өңіріміздің қоғамдық-саяси, мәдени жұмыстарына белсенді атсалысып жүрген жастарды алғысын білдіріп, оларды арнайы алғыс хаттармен марапаттады.Бүгінде Қорқыт Ата атындағы Қызылорда мемлекеттік университетінің 1000-ға жуық студенті «Нұр Отан» партиясының мүшелігіне қабылданған. Ал өңіріміз бойынша 2500 адам партия қатарында.
Мерекелік шара соңында салтанатты түрде партия қатарына өткен жастардың атынан Б-16-3 тобының 2-курс студенті Айдана Әбиболлақызы сөз сөйлеп, алдағы уақытта ел игілігі үшін аянбай еңбек ететіндігін жеткізді. Сонымен қатар Ж-17-1 оқу тобының студенті Шернияз Жалғасбекұлы Тұңғыш Президент Н.Ә.Назарбаевқа арнау оқып, көпшіліктің ілтипатына бөленді.
