АУЫЛДАҒЫ БИЗНЕСТІ ДАМЫТУҒА БАСЫМДЫҚ БЕРІЛЕДІ
Қызылорда облысында жаппай кәсіпкерлікті дамыту үшін арнайы жол картасы әзірленді.Мақсат – жаңа жұмыс орындарын ашып, салық базасын кеңейту. Бұл ретте ауылдағы шағын бизнеске басымдық беріледі. Сондықтан ауыл әкімдері кәсіпкерліктің қыр-сырын жетік меңгеруге кірісті, деп хабарлайды 24 KZ теоеарнасы.
Ауыл әкімдері кәсіпкерлер үйінде бизнес өкілдеріне көрсетілетін түрлі қызметтермен танысып, қаржы институттарының өкілдерімен кездесті. Бүгінде «Бастау-бизнес», «Бизнес-кеңесші» бағыттары бойынша азаматтардың тегін оқуына мүмкіндік мол. Кепілсіз несие алуға да болады. Ауылда кәсіп ашу үшін типтік бизнес-жоспарлар да әзірленген. Сондықтан әрбір ауыл әкімі іс бастауға ниетті азаматтарды осы жеңілдіктермен таныстырып, қолдау көрсетуі шарт.
- Кейбір ауылдық округтерде ғаламтор желісі де жоқ. Сондықтан ақпаратқа қолжетімділік болу үшін осы жерде енді ауыл әкімдері арқылы халыққа, тұрғындарға қазіргі кәсіпкерлікті қолдау бағытындағы мемлекеттік бағдарламаны түсіндіру және сүймелдеуге түсіндірме жұмыстары жасалып жатыр, – дейді облыстық кәсіпкерлер палатасының директоры Ғалымбек Жақсылықов.
