МЕКТЕП ОҚУШЫЛАРЫ АРАСЫНДАҒЫ ИНТЕЛЛЕКТУАЛДЫҚ ЖАРЫС ҚОРЫТЫНДЫЛАНДЫ
Қызылордадағы "Дарын" облыстық қосымша білім беру орталығында жалпы білім беретін мектептердің 6-11 сынып оқушылары арасында "Ясауитану" халықаралық байқауының облыстық кезеңі өткізілді.Байқаудың мақсаты қазақ халқының рухани тұтастығын қалыптастырған Қожа Ахмет Ясауидың хикметтерін насихаттау. Өскелең ұрпақты ұлы баба мұрасын терең меңгеріп, зерттеуге ынталандыру.
Аталған жарысқа қатысқан оқушылар өздерінің интеллектуалдық пайым-парасатын арттырып, Ұлы баба өнегесімен және Қожа Ахмет Ясауи кесенесінде жерленген тарихи тұлғалардың өмірімен танысты.
Сайыстың облыстық кезеңінде 5 оқушы жүлделі орындарды иеленді. І орын иегері Нұрсұлтан Ақыпбаев - Қармақшы ауданы, №26 орта мектептің 10 сынып оқушысы. ІІ орынды Қазалы ауданы, №170 орта мектептің 8 сынып оқушысы Арайлым Алпысбай және Қазалы ауданы, №249 мектеп-лицейдің 11 сынып оқушысы Алмас Дана жеңіп алды. ІІІ орын иегерлері - Кәмшат Сержанқызы - Сырдария ауданы, №42 орта мектептің 7 сынып оқушысы және Нұрсезім Бақыт - Шиелі ауданы, №45 орта мектептің 7 сынып оқушысы.
Жеңімпаздар 21-22 қыркүйек күндері Түркістан қаласында өтетін байқаудың қорытынды кезеңіне қатысады.
