АРДАГЕРЛЕР ТӘЛІМІ - РУХАНИ ЖАҢҒЫРУДЫҢ ҚАЙНАР КӨЗІ
Қызылорда облыстық ардагерлер кеңесінің "Ардагерлер тәлімі - рухани жаңғырудың қайнар көзі" атты семинар-кеңесі Шиелі ауданында өткізілді. Көшпелі семинарға облыстық ардагерлер кеңесінің төрағасы С. Шаухаманов, Қызылорда қаласы мен аудандардан келген делегация қатысты. Көшпелі семинар-кеңес алдымен Бала-би елді мекенінен бастау алды. Бала би елді мекеніндегі бастауыш ардагерлер жұмысымен танысқан делегация, Бәйгеқұм елді мекенінде ұйымдастырылған «Сексеннің шықты биыл сеңгіріне» атты шараға қатысты. Шара барысында аудан әкімі Т. Жағыпбаров пен облыстық ардагерлер кеңесінің төрағасы С. Шаухаманов 80 жасқа толған еңбек ардагерлері Мейрам Баймаханұлы мен Арапбек Әбдіхалықұлын құттықтап, сый құрмет көрсетті. Мұнан соң семинар кеңеске қатысушылар «Оқшы Ата» кесенесінде зиярат етіп, ардагерлер арасында ұйымдастырылған спартакиадаға қатысты. Аудан әкімінің орынбасары Т. Жағыпбаров пен облыстық ардагерлер кеңесінің төрағасы С. Шаухаманов ардагер спортшыларға сәттілік тіледі. Сондай-ақ, семинарға арнайы келген делегация тағзым алаңына гүл шоқтарын қойып, Ы. Жақаев кесенесіне құран бағыштап, аудан орталығында бір қатар кәсіпкерлік нысандардың жұмысымен танысты.
