ЛАТЫН ӘЛІПБИІНЕ КӨШУ - ҰЛТТЫҚ ЖАҢҒЫРУДЫҢ БАСТАМАСЫ
Елбасы биылғы Қазақстан халқына арнаған жолдауында: «Біз алдағы уақытта да мемлекеттік тілді дамыту бағытындағы кешенді жобаларды жүзеге асыруды табандылықпен жалғастыра береміз. Қазақ алфавитін 2025 жылға қарай латын графикасына көшіруге дайындық жұмысын осы бастан қолға алу қажет. Бұл қазақ тілін жаңғыртып қана қоймай, оны осы заманғы ақпараттың тіліне айналдырады» деген болатын. Осыған байланысты ел арасында сантүрлі пікірлер айтылып, біреулері қолдап, екіншілері бұған әлі әзір емес екендіктерін айтып жатқанынынан хабардармыз. Технологияның дамыған заманында латын тілін білу бүгінгі күннің қажеттіліктерінің біріне айналып отыр. Себебі, сол технологияларды игеру үшін латын әліпбиін білген абзалырақ. Мен Елбасымыздың бұл бастамасын толықтай қолдаймын. Әрі бұл бастама еліміз үшін тиімді екеніне сенімдімін. Қазіргі уақытта күріш экспортының көпшілігі алыс және жақын шетел мемлекеттеріне шығарылады. Күріш экспорты жоғары қарқынмен дамуда. Латын әліпбиіне ауысу арқылы ауыл шаруашылығы өнімдерін экспорттауда еліміздің әлемдік бәсекеге қабілеттілігі артады. Сондай-ақ, латын әліпбиіне ауысу – қазақ халқының алға жылжуына, заман талабына сай өркендеуіне, келешекте еліміздің жан-жақты дамуына үлес қосып, жемісті және жеңісті болары анық.
Гүлсім Дәрібаева,
«Нұр Отан» партиясы «Авангард»
бастауыш партия ұйымының белсендісі
