«ҚАЗТРАНСГАЗ АЙМАҚ» АҚ-ның ЗАҢСЫЗДЫҚТАРЫ АНЫҚТАЛДЫ
«ҚазТрансГаз Аймақ» АҚ өзінің үстем жағдайын теріс пайдалану фактісі бойынша әкімшілік жауапкершілікке тартылды. Бұл туралы бүгін Өңірлік коммуникациялар қызметінде табиғи монополияларды реттеу, бәсекелестікті және тұтынушылардың құқықтарын қорғау Комитетінің Қызылорда облысы бойынша Департаменті басшысының орынбасары Орынбаев Ерсін Сейітханұлы түсіндірді.Оның айтуынша, осыған дейін монополияға қарсы орган «ҚазТрансГаз Аймақ» АҚ-ға қатысты тексеру жүргізді. Оған себеп - тұтынушылардың көгілдір отын төлемінің коэффициенттерін негізсіз есептеген, тұтынушылармен жасалған келiсiмдерге өздерінің үстем жағдайын пайдалану болып табылады. Сот талқылаулары 5 айға созылды. Нәтижесінде «ҚазТрансГаз Аймақ» АҚ әкімшілік жауапкершілікке тартылды. Мекемеге салынған әкімшілік айыппұл сомасы шамамен 13,4 млн. теңгені құрады, ол бюджетке толықтай төленді. 2 млн.-ға жуық тұтынушыларға қайтарылуы тиіс сома 268 млн. теңгені құрайды.
Осылайша, заңсыз есептелген барлық тұтынушыларға ақшалай қаражатты қайтару жүзеге асырылатын болады. Дегенмен, мұндай заңсыздық Қызылорда облысында орын алмаған.
