ҚЫЗЫЛОРДАДА СПОРТ КҮНІНЕ АРНАЛҒАН ВЕЛОШЕРУ ӨТЕДІ
20 тамыз күні ҚР Спорт күніне арналған қала тұрғындары, еріктілер және белсенді жастардың қатысуымен бұқаралық велошеру өтеді. Бұл туралы облыстық дене шынықтыру және спорт басқармасының баспасөз қызметі хабарлады.
Шара мақсаты – бұқаралық спортты дамыту, салауатты өмір салтын насихаттау, тұрғындарды жүйелі түрде спортпен шұғылдануға баулу, жастардың велоспортқа қызығушылығын арттыру.
Таңғы сағат 9.00-де «Сыр - Ана» монументі жанында қатысушылар жиналса, сағат 10.00-де велошеру басталады.
Сөре «Сыр - Ана» монументінен басталып, Тәуелсіздік даңғылының бойымен Ғ.Мұратбаев көшесі арқылы мәре орталық стадионда аяқталады.
Бұқаралық велошеру өткізу барысында жоғарыда аталған көшелер жабылады. Шараны облыстық дене шынықтыру және спорт басқармасы ұйымдастыруда.
Баршаңызды велошеруге қатысуға шақырамыз! Салауатты өмір салтын ұстануға үлесімізді қосайық!
