ҚАРМАҚШЫ АУДАНЫ АУЫЗ СУМЕН ТОЛЫҚ ҚАМТЫЛАТЫН БОЛАДЫ
Қармақшы ауданының тұрғындарын таза ауыз сумен қамтамасыз ету бойынша Жосалы кентіндегі тұрғын үйлерге ауыз су құбырын жеткізу желілері құрылысының 4 кезеңі мен Жосалы кентіндегі су жүйесі және 2 көтерме насос стансасын қайта жаңғырту жұмыстарына республикалық бюджеттен қаржы бөлініп, аталмыш құрылыс жұмыстарын «Сәт-Сервис» ЖШС-і мен «РЗА» АҚ жүргізуде. 1 жоба бойынша қазіргі таңда кент орталығындағы 850 тұрғын үйге ауыз су кіргізілсе, 2 жоба бойынша 5 мың м3 резервуар мен насос стансасы құрылысы жұмыстары аяқталуға жақын.Мұнымен қатар республикалық бюджеттен бөлінген қаржыға Дүр Оңғар және Иіркөл, облыстық бюджеттен бөлінген қаржыға Т.Көмекбаев, Алдашбай ахун, Қуаңдария, және Қармақшы ауылдық округтерінде «Тұтынушы үйлердің шекарасына дейін су құбыры желілерін жеткізу» жобасы бойынша «РЗА» АҚ, «Ақмешіт-Мелиоратор», және «Орда-Құрылыс» ЖШС-і арқылы жұмыстар атқарылуда.
