ҰСАҚ БҰЗАҚЫЛЫҚ ЖАСАҒАНЫ ҮШІН 349 ТҰЛҒА ӘКІМШІЛІК ЖАУАПКЕРШІЛІККЕ ТАРТЫЛҒАН
Арал аудандық соты баспасөз қызметінің хабарлауынша 2017 жылдың 7 айында қоғамдық тәртіпке және имандылыққа қол сұғатын әкімшілік құқық бұзушылықтарды яғни, ҚР ӘҚБтК-нің 434 бабында көзделген ұсақ бұзақылық әрекеттерін жасаған 349 тұлғаны әкімшілік жауапкершілікке тартылған.Ұсақ бұзақылық - бұл қоғамдық орындарда былапыт сөйлеу, жеке тұлғаларға қорлап тиiсу, тұрғын үй-жайларды қорлау, ортақ пайдалану орындарын, саябақтарды, скверлердi ластау, оның iшiнде белгiленбеген орындарға коммуналдық қалдықтарды тастау және айналасындағыларға сыйламаушылықты бiлдiретiн, қоғамдық тәртiптi және жеке тұлғалардың тыныштығын бұзатын әрекеттер.
Аудандық соттың қаулыларымен 105 тұлғаға қатысты әкімшілік қамау жазасы қолданылса, 244 тұлға жалпы сомасы 3 913 186 теңгені құрайтын айыппұлға жазаланған. Салынған айыппұлдан 2 173 702 теңге ерікті түрде төленген.
