АРАЛДА КӘСІПКЕРЛІК АЯСЫ КЕҢЕЙІП КЕЛЕДІ
Жуырда ғана өңірімізге келген «Атамекен» ҰКП» АҚ төралқа төрағасы Т. Құлыбаевтың сапарында аймақтағы шағын және орта кәсіпкерліктің дамуы бір сараланды. Бұл бағытта жергілікті әкімдік пен өңірлік палатаның «Микробизнес-Қызылорда» жобасы жүзеге асып келеді. Бүгінде жалпы көлемі 840 млн. теңгені құрайтын 132 жоба қаржыландырылып, 429 жаңа жұмыс орны ашылды.Аймақтағы кәсіпкерліктің дамуына Арал ауданы да үлкен үлес қосып отыр.
Өткен жылы бұл бағытта, аудан территориясынан өтетін «Батыс Еуропа-Батыс Қытай» халықаралық көлік дәлізі бойында бүгінде жеке кәсіпкерлердің «В» және «С» санатты жол маңы сервистік қызмет көрсету нысандары бой көтеріп, халыққа қызмет көрсетуде.
2016 жылы ел экономикасын кеңейтіп, инновацияны дамытатын ең алдымен кәсіпкерлік саласы болғандықтан аудан кәсіпкерлерінің қатысуымен жыл көлемінде 12 семинар өткізіліп, 248 адамға сертификат берілді. Жан-жақты қолдаудың арқасында, кәсіпкерлердің 102 жобасы қолдау тапса, 2017 жылдан бері шағын және орта бизнес саласында 3796 субъекті тіркеліп, оның 83,1 пайызы жұмыс жасап тұр. Оның 266-ы заңды тұлғалар, 3108-і жеке кәсіпкерлер және 422-і шаруа қожалықтары құрады.
Өткен жылғы жүйелі жұмыс арқасында аудандағы жалпы жұмыссыздық деңгейін 5,1 пайызға дейін төмендетуге қол жеткізілді.
«Нәтижелі жұмыспен қамтуды және жаппай кәсіпкерлікті дамытудың 2017 - 2021 жылдарға арналған мемлекеттік бағдарламасын»жүзеге асыру барысында, жыл басынан бері жұмыспен қамту орталығына 1061 адам хабарласып, 272 адам қоғамдық жұмыстарға жіберілсе, 442 адам әлеуметтік жұмысқа жолданып, 576 адам тұрақты жұмысқа орналасты. Ресми жұмыссыздық деңгейі 0,8 пайыз көлемінде болып отыр.
