Kyzylorda-News.kz

   Бүгін Астанада Қазақстан Республикасы Қарулы күштерінің құрылғанына 25 жыл толуына арналған "Ерлік. Рух. Борыш" атты əскери парады өтті. Ел əскерінің қуатын көрсеткен салтанатты шеруге 5000-нан аса əскери қызметші қатысып, 300-ге жуық əскери техника мен соңғы үлгідегі қару-жарақ, 70 əуе техникасы көпшілік назарына ұсынылды. Көрсетілген əскери техниканың жартысы республикада жасалған отандық өнім. Сондай-ақ, қазақстандықтар соңғы уақытта əскери арсеналды толықтырған техникамен жəне қару түрлерімен танысты.

    Тəуелсіз Қазақстан тарихындағы ең ауқымды деп танылған парадты Қызылорда жұртшылығы тікелей эфирден көрді. Тікелей көрсетілім алаңдары Асқар Тоқмағамбетов атындағы мəдениет үйі мен аудандардағы өнер ордаларында ұйымдастырылған. Сонымен қатар, жиналғандар мерекелік концерт тамашалады.