АСҚАР МАХАМБЕТОВ: «ЖОЛДАУДЫ БИЗНЕС ӨКІЛДЕРІ АСЫҒА КҮТТІ»
Бұл жөнінде кәсіпкерлер палатасы Өңірлік кеңесінің төрағасы Асқар Махамбетов Елбасының халыққа арнаған дәстүрлі Жолдауыннан туындайтын міндеттерді талқылауға арналған облыстың идеологиялық активінде айтты.
«Осыдан бірнеше күн бұрын жарияланған Мемлекет басшысының халыққа арнаған Жолдауын бизнес өкілдері асыға күтті десем, асыра айтқандық емес.
Рас, дағдарыс әрбір қазақстандыққа әсер еткені анық. Дегенмен, кәсіпкерлер үшін қазіргі «экономиканың ерекше кезеңі» нағыз сынаққа айналды. Осындай сындарлы сәтте Ұлт көшбасшысының жариялаған Жолдауы арқылы біз – кәсіпкерлер тағы да қолдауға ие болдық.
Әсіресе, Елбасының салық саясатына қатысты айтқан сөзі бізді ерекше қанаттандырды. Салықтық режімдердің оңтайлануы ел кәсіпкерлеріне оң әсер етері сөзсіз.
Жалпы Сыр кәсіпкерлері әркез туған жерінің өркендеуіне үлес қосып жүрген отансүйгіш азаматтар. Сондықтан да әріптестерімнің Президенттің бизнес өкілдерін жекешелендіру мен мемлекеттік-жеке әріптестік жобаларына белсенді қатысуға шақырған бастамасын толықтай қолдап, белсенді атсалысатындығына, сол арқылы жаңа жұмыс орындарының ашылуына жағдай жасайтындығына сенімдімін.
Мұнан өзге, жыл сайынғы мұнайды өндіру көлемінің азаюы барысында біздің облысымыз үшін экономиканы әртараптандыруды қарастыру аса маңызды. Бұл ретте аймақта шыны, цемент зауыттарын салу, металлургиялық кластерді қалыптастыру сынды маңызды жобалар жүзеге асырылуда. Сондықтан да мемлекеттік орган ғана емес, біздер кәсіпкерлер, депутаттық корпус бірге тізе қосып отырып, халық арасында мұнайдың орнын басатын жаңадан үлкен кәсіпорындар салатын уақыттың жеткендігі туралы түсіндірме жұмыстарын жүргізуіміз қажет», - деді өз сөзінде Кәсіпкерлер палатасы Өңірлік кеңесінің төрағасы Асқар Махамбетов.
Қызылорда облысының кәсіпкерлер палатасының баспасөз қызметі
«Осыдан бірнеше күн бұрын жарияланған Мемлекет басшысының халыққа арнаған Жолдауын бизнес өкілдері асыға күтті десем, асыра айтқандық емес.
Рас, дағдарыс әрбір қазақстандыққа әсер еткені анық. Дегенмен, кәсіпкерлер үшін қазіргі «экономиканың ерекше кезеңі» нағыз сынаққа айналды. Осындай сындарлы сәтте Ұлт көшбасшысының жариялаған Жолдауы арқылы біз – кәсіпкерлер тағы да қолдауға ие болдық.
Әсіресе, Елбасының салық саясатына қатысты айтқан сөзі бізді ерекше қанаттандырды. Салықтық режімдердің оңтайлануы ел кәсіпкерлеріне оң әсер етері сөзсіз.
Жалпы Сыр кәсіпкерлері әркез туған жерінің өркендеуіне үлес қосып жүрген отансүйгіш азаматтар. Сондықтан да әріптестерімнің Президенттің бизнес өкілдерін жекешелендіру мен мемлекеттік-жеке әріптестік жобаларына белсенді қатысуға шақырған бастамасын толықтай қолдап, белсенді атсалысатындығына, сол арқылы жаңа жұмыс орындарының ашылуына жағдай жасайтындығына сенімдімін.
Мұнан өзге, жыл сайынғы мұнайды өндіру көлемінің азаюы барысында біздің облысымыз үшін экономиканы әртараптандыруды қарастыру аса маңызды. Бұл ретте аймақта шыны, цемент зауыттарын салу, металлургиялық кластерді қалыптастыру сынды маңызды жобалар жүзеге асырылуда. Сондықтан да мемлекеттік орган ғана емес, біздер кәсіпкерлер, депутаттық корпус бірге тізе қосып отырып, халық арасында мұнайдың орнын басатын жаңадан үлкен кәсіпорындар салатын уақыттың жеткендігі туралы түсіндірме жұмыстарын жүргізуіміз қажет», - деді өз сөзінде Кәсіпкерлер палатасы Өңірлік кеңесінің төрағасы Асқар Махамбетов.
Қызылорда облысының кәсіпкерлер палатасының баспасөз қызметі
