Kyzylorda-News.kz

 

    Осыдан бірнеше уақыт бұрын Қызылорда облысының кәсіпкерлер палатасында бухгалтерлер клубы жұмысын бастағандығын айтқан болатынбыз. Алғашында бірнеше адамның қатысуымен ғана өтетін шара, бүгінде қанатын кеңге жайды. Аймақ кәсіпкерлерінің сұранысы бойынша шара бүгінде тек Қызылорда қаласында ғана аудандардың да қатысуымен селекторлық режимде өткізілетін болды. Бүгінгі шара соның куәсі.
    Айта кету керек, бухгалтерлер клубына тиісті сала мамандары, атап айтқанда облыстық кірістер департаментінің мамандары,  «Мемлекеттік сақтандыру қоры АҚ-ң өкілі, «Қазақтелеком» АҚ облыстық филиалы, «Жаңа технология» ЖШС қызметкерлері тартылуда.
    Шара барысында 2016 жылдың 1 қаңтарынан бастап қолданысқа енгізілген деректерді тіркеу және беру функиясы бар бақылау касса машиналарға қатысты мәселелер талқыланды.
    Алдағы уақытта да кәсіпкерлердің сұранысы бойынша қарастырылатын тақырып ауқымын кеңейтетін боламыз. Ол үшін Сіздерді қызықтыратын тақырыптарды осы әлеуметтік желі арқылы ұсынуларыңызға болады немесе шараға жауапы маман, Кәсіпкерлер палатасының сарапшысы Гүлдана Таңатоваға хабарласуға болады. Байланыс құралдары: 8/7242/40-09-81 (ішкі 4311), g.tanatova@palata.kz.
    Қызылорда облысының кәсіпкерлер палатасының баспасөз қызметі